Deponi for ordinært avfall

(Denne sida er under oppdatering)

SIMAS har deponi, med løyve til å ta imot ordinært avfall og stabilt ikkje-reaktivt avfall.

Ordinært avfall er forureina massar som har konsentrasjoner av helse- og miljøskadelege stoff som ligg under grensa for farleg avfall (dvs. at det ikkje er klassifisert som farleg avfall). Ordinært avfall er heller ikkje definert som eksplosivt, radioaktivt eller smittefarleg avfall. Døme på slike massar kan vere lett forureina jord, rivemassar og betong.

Stabilt ikkje-reaktivt farleg avfall har utlekkingseigenskapar som ordinært avfall. Døme på denne type avfall er asbest og blåsesand.

Avfallsforskriften kap. 14 A gir føringer og retningslinjer for korleis betong kan bli brukt på nytt eller om betongen må bli levert til godkjent mottak. Miljødirektoratet har utarbeida ein rettleiar for handtering og gjenvinning av betong og tegl frå riveprosjekt.

Forureina grunn kan også bli avfall. Sjå veileder frå Miljødirektoratet når det gjeld handtering og disponering av gravemassar. Helsebaserte tilstandsklasser for forurenset grunn, TA-2553, gjeld for bruk av massar innafor tiltaksområde. For levering av masser utafor tiltaksområdet, som levering til deponi, gjeld avfallsforskriften kap. 9.

Mottakskontroll

SIMAS har mottakskontroll for alt avfall som skal på deponi. Dette for å sikre at avfallet er av den avfallstypen SIMAS har løyve til å ta imot. Ved levering til deponi skal den som genererer avfallet (avfallsprodusenten) ha gått igjennom avfallet og utført ei basiskarakterisering, jf. avfallsforskriften §9-11, med utfyllande informasjon om basiskarakterisering i vedlegg II.

Eit samandrag av basiskarakteriseringa skal følgje avfallet ved levering til SIMAS. Sjå veileder og skjema for karakterisering av avfall.

Som del av mottakskontrollen kan det bli spurt etter analyser, som utlekkingstestar og analyse av TOC. TOC er mengden totalt organisk karbon. Denne mengden seier noko om biologisk aktivitet og nedbryting av avfallet. For å legge avfallet på deponi må TOC vere under 10%. I tillegg til analyser, kan det bli utført visuell kontroll av avfall som kjem inn til deponi.

Farleg avfall

Plikt til å levere og deklarere farleg avfall er regulert i avfallsforskriften kap. 11. Ved miljøstasjonane til SIMS kan ein levere farleg avfall. Som privatperson (avfallsbesitter) kan du levere 1000 kg farleg avfall pr. år. Som avfallsbesitter er ein pliktig til å merke avfallet med informasjon om innhald og eigneskapar før levering til miljøstasjon, samt sikre at avfallet er forsvarleg emballert/pakka.

Som næringskunde har ein plikt til å levere farleg avfall om det overstig 1 kg pr. år. Levering av farleg avfall er omfatta av ei deklareringsplikt. Informasjon og veiledning til deklarering av farleg avfall finn ein her.

Brannavfall

Regelverk som gjelder for vanleg rivningsarbeid gjelder også for brannavfall iht. TEK17 §9-6, med krav til avfallsplan og miljøsaneringsrapport.

Pga. høge temperaturer, vatn og kollaps av bygningar kan branntomter vere samansette. Brent materiale og oske skal i utgangspunktet bli behandla som forureina eller farleg avfall. Miljøsaneringsrapport med nødvendige prøvar og analysar er viktig dokumentasjon for å finne ut korleis ein skal handtere ulike avfallsfraksjonar. T.d. er det er viktig at ein tek prøvar av oske for å kunne vurdere om dette kan gå på deponi.

Avfallstypar til deponi

Under er det lista opp dei avfallstypar SIMAS kan ta imot på deponi. Trykk på kvar avfallstype for meir utfyllande informasjon til hjelp i vurdering og karakterisering av avfallet

  • Avfallstype: Asbest

    Krav ved levering til deponi: Basiskarakterisering

    Avfallskode: 7250 iht. Norsk standard NS9431/2011

    EAL-kode: 170605/*170601

    Deklarering: Ja, for næringskundar

    Krav til emballering og merking: Asbest skal ved levering til deponi eller miljøstasjon vere pakka på palle, i støvtett plast og merka med innhald. Pallen må vere godt emballert med plast både over, under og på sidene. Ved større mengder må ein ta kontakt med SIMAS i forkant for å avtale løysing.

    Pris pr. tonn: 1622,- eks. mva.

  • Avfallstype: Asfalt

    Krav ved levering til deponi: Basiskarakterisering

    Avfallskode: 1619 iht. Norsk standard NS9431/2011

    EAL-kode: 170302 iht. Avfallsforskriften kap. 11 vedlegg 1

    Deklarering: Nei

    Pris pr. tonn: 204,- eks. mva.

  • Avfallstype: Blåsesand

    Krav ved levering til deponi: Basiskarakterisering med utlekkingstestar

    Avfallskode: 1672 iht. Norsk standard NS9431/2011

    7096 (farleg avfall) iht. Norsk standard NS9431/2011

    EAL-kode: 120117/*120116

    iht. Avfallsforskriften kap.11 vedlegg 1

    Deklarering: Ja, om farleg avfall

    Merknad: Utlekkingstester (kolonne og ristetest) må stette grenseverdiar gitt i avfallsforskriften kap.9, vedlegg 2, avsnitt 2.3.1.

    Pris pr. tonn: 2044,- eks. mva.

  • Avfallstype: Brent trevirke, oske eller brannoppsop.

    Krav ved levering til deponi: Basiskarakterisering

    Avfallskode: 9919 ikkje brennbart grovavfall (osko, slagg, støv). Er avhengig av avfallet sin opprinnelse.

    EAL-kode: Er avhengig av avfallet sin opprinnelse.

    Deklarering: Ja, for farleg avfall.

    Merknad: Mottak av avfall frå branntomter o.l. må vurderast i kvart enkelt tilfelle. Vurdering av bl.a. tungmetaller, TOC < 10% og PAH er viktig for denne type avfall. Analyser som blir gjort må stå i forhold til bygget som brant, med vurdering av kva materialer/overflatebehandling og elektronikk som var i bygget ut fra perioden bygget blei oppført.

    Pris pr. tonn: 3541,- eks. mva.

  • Avfallstype: Feiesand, strøsand

    Krav ved levering til deponi: Basiskarakterisering

    Avfallskode: 9916 iht. Norsk standard NS9431/2011

    EAL-kode: 200303 iht. Avfallsforskriften kap.11 vedlegg 1

    Deklarering: Nei

    Merknad: Dersom gateoppsop har konsentrasjonar av ureining under normverdiar (reine massar), kan ein søke Statsforvaltaren om anna disponering, jf. ureiningslova kap.5 §32 /2/. 

    Pris pr. tonn: 765,- eks. mva.

  • Avfallstype: Gips som ikkje kan gå til gjenvinning

    Krav ved levering til deponi: Basiskarakterisering

    Avfallskode: 1616 iht. Norsk standard NS9431/2011

    EAL-kode: 170802 iht. Avfallsforskriften kap.11 vedlegg 1

    Deklarering: Nei

    Pris pr. tonn: 2244,- eks. mva.

  • Avfallstype: Lett ureina masser (jord, stein, grus) er massar med konsentrasjon i samsvar med inert avfall iht. avfallsforskriften kap 9. vedlegg II punkt 2.1.

    Ureina massar er massar med konsentrasjon opp mot farleg avfall, men er ikkje klassifisert som farleg avfall (klassifisert som ordinært avfall).

    Krav ved levering til deponi: Basiskarakterisering

    Avfallskode: 1603 Lett forureina masser iht. Norsk standard NS9431/2011

    1604 Forureina massar iht. Norsk standard NS9431/2011

    EAL-kode: 170504 iht. Avfallsforskriften kap.11 vedlegg 1

    Deklarering: Nei

    Merknad: Ev. utlekkingstestar (kolonne- og ristetest) må stette grenseverdiar gitt i avfallsforskriften kap.9, vedlegg II, avsnitt 2.1.1.

    Pris pr. tonn: 684,- eks.mva lett ureina masser

    1377,- eks.mva ureina masser

  • Avfallstype: Jordmassar som inneheld framand skadelege artar som parkslirekne, rynkerose, hagelupin.

    Krav ved levering til deponi: Basiskarakterisering

    Avfallskode: 1604 iht. Norsk standard NS9431/2011

    EAL-kode: 170504 iht. Avfallsforskriften kap.11 vedlegg 1

    Deklarering: Nei

    Merknad: Massane må vere godt emballert i støvtett plast. Massane må vere godt pakka og dekka til ved transport. Ta kontakt med deponiet 1 veke i forkant av levering.

    Pris pr. tonn: 1377,- eks. mva.

    For mottak av framande artar kjem ein timespris i tillegg for arbeid med nedgraving og innmåling.

  • Avfallstype: Isolasjonsmateriale, glassfiberavfall

    Krav ved levering til deponi: Basiskarakterisering

    Avfallskode: 1617 iht. Norsk standard NS9431/2011

    EAL-kode: 170604 iht. Avfallsforskriften kap.11 vedlegg 1

    Deklarering: Nei

    Pris pr. tonn: 1622,- eks. mva.

  • Avfallstype: Keramikk, porselen

    Krav ved levering til deponi: Basiskarakterisering

    Avfallskode: 1618 iht. Norsk standard NS9431/2011

    EAL-kode: 170103 iht. Avfallsforskriften kap.11 vedlegg 1

    Deklarering: Nei

    Pris pr. tonn: 765,- eks. mva.

  • Avfallstype: Rein betong er betong som ikkje inneheld helse- og miljøfarlege stoff som t.d malingsrestar eller asbest.

    Krav ved levering til deponi:

    Basiskarakterisering

    Avfallskode:

    1611 uten armering

    1612 med armering

    EAL-kode: 170101

    Deklarering: Nei

    Merknad: Gjeld betong utsortert frå bygge- og rivningsavfall. Betongen må ikkje innehalde anna avfall som treverk eller plast.

    Pris pr. tonn: 765,- eks. mva. (med armering).

  • Avfallstype: Jord, stein, grus

    Avfallskode: 1601 iht. Norsk standard NS9431/2011

    EAL-kode: 170504 iht. Avfallsforskriften kap.11 vedlegg 1

    Merknad: Konsentrasjon iht. normverdiar gitt i ureiningsforskrifta kapitel 2, vedlegg 1.

    Pris pr. tonn: 684,- eks. mva.

  • Avfallstype: Sand frå sandfang

    Krav til dokumentasjon ved levering til deponi: Basiskarakterisering

    Avfallskode: 1124/9918 iht. Norsk standard NS9431/2011

    EAL-kode: 190802 iht. Avfallsforskriften kap.11 vedlegg 1

    Deklarering: Nei

    Pris: 816,- eks. mva.

  • Avfallstype: Tegl, takstein

    Krav ved levering til deponi: Basiskarakterisering

    Avfallskode: 1613 iht. Norsk standard NS9431/2011

    EAL-kode: 170103 iht. Avfallsforskriften kap.11 vedlegg 1

    170102 (murstein)

    Deklarering: Nei

    Pris. pr. tonn: 765,- eks. mva.

  • Avfallstype: Betong som er forureina dvs. har konsentrasjoner under grensa for farleg avfall.

    Krav ved levering til deponi: Basiskarakterisering

    Betongen må vere klassifisert som ordinært avfall.

    Avfallskode: 1614 iht. Norsk standard NS9431/2011

    EAL-kode: 170101 iht. Avfallsforskriften kap.11 vedlegg 1

    Deklarering: Nei

    Merknad: Betongen må ikkje innehalde anna avfall som treverk og plast.

    Pris pr. tonn: 765,- eks. mva.